《點解我要嚟》

你問我點解今天嚟到呢度
其實我心中屈悶係無法去除
我住喺香港地嘅某個角落
求活個溫飽安定暢快都算囉
點知Ｄ老細話要將Ｄ屋租加
仲話係在下日日佔佢嘅便宜
佢話香港Ｄ樓價現已翻咗幾翻
若係呀富戶就要俾呢俾市價喎

你咪話把口呢大就當我霎贛
回望我本應係有木屋兼有田
某日你耍起官威搶奪我小天地
然後夾硬話係改善我生活質素
我仲識得老李佢住喺深水埗唐樓
佢日做又夜做為著屋租去酬謀
一朝Ｄ老細話要翻新這都市
焗住佢一家接受「中轉」嘅安置

老弱嘅街坊你就當佢無價值
遙遠去編配又或者係舊邨嘅雀籠
好似阿球嘅單身寡佬就更加折墮
完全係啦．．．啦．．．
啦．．．．  啦．．．．

作業嘅黑箱手法無呀無公道
重建好Ｄ公屋佢又話係居屋要賣錢
攪到等候上樓嘅街坊無晒著落
然後又指責富戶自私不合理
呀官呢講Ｄ乜佢記者就寫Ｄ乜
玩弄吓數字佢地化呀化神奇
遮掩Ｄ生活實況社區嘅聲音
互助嘅活力被漠視個個變咗個冧把

我以憤怒嘅歌聲控訴這個制度
肥大嘅官商不問我地嘅居住權
希望我地草根街坊個個要出點力
齊集好聲音去指示政策新方向
港九新界我地合眾一班一班
戶外集會另立我地嘅議事堂
草根嘅意見要直接高聲呼
互助又互勵行動志氣堅壯

呵．．．．  呵．．．．